Mening bobom,buvim- mahallamiz faxri .20-мактаб Қарши тумани .
"2015- yil Keksalarni e'zozlash yili"Mening bobom,buvim- mahallamiz faxri .20-мактаб Қарши тумани
Reja:
1.Qadriyatlar beshigisan – mahallam
2.Qadrlagan qadr topadi
3.Olam yaxshilar bilan go’zal
Keksalarning injiqligini
Erkalik deb qabul qilganga
Tasannolar, sharaflar bo`lsin,
Inson umrin qadrin bilganga
(Qambar ota)
Mahalla –tarbiya o’chog’i,unda milliy urf-odat va an`analar shakllangan.Mahalla –ezgulikning beshigi. Sabab,xayrli ishlarning barchasi mahalladan boshlanadi.Saxovat,yaxshilik,insonparvarlik kabi yuksak tuyg’ular shu go’shada shakllanadi,kamol topadi.Yurtimning ravnaqiga qo’shilayotgan hissa avvalo,shu go’shadan boshlanadi. Mahalla-qadriyatlar jam bo’lgan xazina.Unda asrlar davomida e’zozlanib,qadrlanib kelayotgan milliy o’zligimiz,ezgulikka,yaxshilikka chorlovchi urf-odat,udumlarimiz mujassam.Mahallam haqida to’lib-toshib gapirgim,yozgim keladi,chunki men ham qadriyatlar beshigi bo’lgan mahallada tug’ilganman.Aslida,ona-Vatan biz uchun yagona,lekin kindik qonimiz to’kilgan yer-Vatan ichra mo’jaz Vatan ,mahallamiz qishlog’imiz ham yagona.
O’zlarining faxr etsak arzigulik ishlari bilan tarix zarvaraqlarida mangu muhrlanib qolgan tabobat ilmining sultoni ibn Sino,falakiyot ilmining otasi Mirzo Ulug’bek,Al-Xorazmiy,Beruniy,pirlarimiz, Yassaviy,Mashrab,Ogahiy,Najmiddin Kubro,Naqshbandiy,o’zbek tilining asoschisi Alisher Navoiy,bir kaft vatan tuprog’iga zor bo’lgan Mirzo Bobur,
adolatni o’ziga mayoq qilib olgan buyuk sarkarda Amir Temurlar farzandlari ekanligimiz ko’nglimda o’zgacha bir g’urur baxsh etadi va birni eksak,mingni qaytaruvchi bu aziz tuprog’imizni ko’zimizga to’tiyo qilsak arziydi.Bizni o’z bag’riga olgan ona tabiat,zilol suv, ko’ksimizni to’ldirgan havo,yam-yashil maysalar,dov-daraxtlar,---yurtimning bir bo’lagi,mahallamda mujassam.Men voyaga yetayotgan muqaddas go’sha---Mirmiron mahallasi.Mirlar makoni bo’lgan
mahallamni qancha ta’rif etsam oz,chunki mening qalbimdagi sevgim beqiyos.Oilamizni,ostonamizni, mahallamizni sevish---- vatanimizni sevishimdir.
Mahallamiz o’rtasidan oqib o’tuvchi Mirmiron kanaliga boqsam, go’yo umrim behuda o’tayotganligi,umrning oqar daryo ekanligi ko’z o’ngimga keladi va faqat vatanim uchun odobli,bilimdon,aqlli, iymon---e’tiqodli farzand bo’lib yetishishim lozimligini his qilaman.Davlatimiz jismonan va ma’nan sog’lom bo’lishimiz uchun qag’urmoqda.Shularni o’ylar ekanman, tengdoshlarimga qarata shunday degim keladi:
-----Aziz do’stlarim!Zamini saxiy, quyoshi muruvvatli,insonlari mehrli,qariyalari e’zoz va e’tiborda bo’lgan,tillaridan duo tushmaydigan xalqimiz va uning istiqboli porloq,yo’llari nurafshon bo’lishi uchun Prezidentimiz orzu qilgan yigit-qizlar bo’laylik.Vatanimiz va uning ertasi uchun yonib yashaylik.Yurtboshimizning avvalo, inson uchun,uning baxt-u saodati uchun qilayotgan ezgu ishlarini qo’llab-quvvatlaylik.Axir, beshigidagi go’dagidan tortib,nuroniy keksalarigacha g’amxo’rlik va e’tiborda bo’lgan yurtni bir tan-u bir jon bo’lib asramaslik mumkinmi?
Muqaddas dinimiz ota-onaga yaxshilik qilishga,ularning duosini olishga undaydi.Hatto ota-ona rizoligini haj va ibodat savoblaridan ham yuqori qo’yadi.Keksalarni ulug’lash haqiqatan ham asrlar davomida xalqimizga xos azaliy qadriyat bo’lib kelganidan dalolat beradi. Xalqimizning ko’p yillik ma’naviyati va madaniyatida yoshi ulug’larga e’tibor,hurmat,ehtirom yuksak qadriyat darajasida bo’lgan.Inson uchun,ayniqsa, yoshi bir joyga borganida,o’z yurtida ko’rgan izzat-ehtiromidan ortiq baxt bo’lmasa kerak.2015-yil yurtimizda “Keksalarni e’zozlash yili” deb e’lon qilingani keksa avlod vakillarini menimcha,juda quvontirdi.Prezidentimiz Konstitutsiyamiz qabul qilinganiga 22 yil to’lganligi munosabati bilan o’tkazilgan tanatanali marosimdagi ma’ruzalarida”Keksasi bor xonadon-fayzli xonadon”deb alohida ta’kidlaganlar.O’z so’zlarida buigungi nurafshon kunlarda nuroniy otaxon-u onaxonlarimizning unutilmas va ulkan xizmatlari borligini, hamda hayotimizni fayz-u barakali qilishda tabarruk insonlarning beqiyos hissa qo’shganini aytib o’tganlar.Ma’lumki 2015-yil 18-fevral kuni O’zbekiston Respublikasi Prezidentining”“Keksalarni e’zozlash yili” Davlat dasturi to’g’risida”gi qarori qabul qilindi.
Bu dastur 6 bo’lim,66 banddan iborat bo’lib,unda yoshi ulug’ insonlar,ayniqsa, 1941-1945-yillardagi urush va mehnat fronti faxriylariga ijtimoiy pensiya ta’minoti va tibbiy xizmat ko’rsatishni takomillashtirish,keksalarning hayot darajasi va sifatini yanada yaxshilash masalalari belgilandi.Ikkinchi jahon urushidagi “G’alabaning 70 yilligi esdalik yubiley medali bilan mukofotlash to’g’risida”gi farmoni ham keksalarimizga ko’rsatilayotgan g’amxo’rlikning yana bir tasdig’i bo’ldi.Bu qonun,farmonlarga cheksiz muhabbatlarni mening buvim ham o’z ko’z yoshlari bilan izhor etdilar va “Qadrlagan qadr topadi”,--- dedilar.Garchi buvim urushda ishtirok etmagan bo’lsalar-da,uning asorati, u qoldirgan iz haqida eshitganlarini,ko’rganlarini so’zlab beradilar.Yurt otasi tomonidan bag’rikeng xalqimiz ko’rsatayotgan e’tibordan mamnunlar.Qo’llari doim duoga ochiq,tillarida yurt tinchligi va osoyishtaligiga ko’z tegmasligini tilash.Hayot maktabida toblangan qariyalarimiz omon bo’lsinlar.Ularning bosib o’tgan yo’llari,tajribalari biz uchun katta maktab desam yanglishmagan bo’laman.Mahallamizdagi nuroniy otaxon-u onaxonlarimizning yuzlariga boqsam sirli,o’qilmagan bir kitobni ko’rganday bo’laman.Biz,yoshlar,bu noyob kitoblarni asrashimiz,bebaho,purhikmat nasihatlaridan bahramand bo’lishimiz darkor.”Yaxshilik yashagan uyga yomonlik kira olmaydi,bolam.Chunki mahalla ham bir uy---sening uying”,--- deb uqtiradilar buvim.Mahallamizda Mustaqim Umarova ismli nuroniy onaxonimiz bor.U kishi 1973-1979 yillarda maktab direktori,so’ng tuman hokimiyatida xotin-qizlar qo’mitasining raisi bo’lib ishlaganlar.1986-1997-yillarda 20-maktab direktori lavozimida faoliyat yuritganlar.Maktab uchun tabiiy gaz quvurlari keltirib,maktab tomini shiferlashda ko’maklashganlar.Yana bir keksa otaxonimiz To’ra G’ulomov ham mahalla o’rtasidan kesib o’tuvchi yo’lda asfalt yotqizishda va kam ta’minlangan oilalarga uy-joy qurishda o’z yordamlarini ayamaganlar.Bundan tashqari ipak qurti urug’ini yetishtirish uchun ikkita pillaxona qurib berganlar.Mirmiron qabristonini obodonlashtirishga o’z munosib hissalarini qo’shganlar.Bugun mahallamizni qariyalarimizni asrasak,qalbimizda yaxshilik yashasa,yurtimizning bir bo’lagini,uning bir zarrasini asragan bo’lamiz.
Bizga ma’lumki yurtimizda chiqarilayotgan barcha qonun va qarorlar avvalo, inson uchun xizmat qiladi. G’amxo’r hukumatimiz o’tganlarni xotirlash, hayot achchiq-chuchugiga chidagan xalq farovonligiga mehnati singan nuroniylar, xasta dillarni, ehtiyojmandlarni qadrlashni har yili kanda qilmaydi. 9-may –Xotira va qadrlash kuni deb e’lon qilinishi ham bu elning yuksak qadriyatlar e’zoz topgan go’sha ekanligidan dalolat. Mahallada ham shu xalqqa xos ezgu odat bor.
Mahalla ahli bir piyola choy ustida suhbatlashish, yangiliklardan xabardor bo’lish, hordiq chiqarish, o’tganlarni xotirlash, qarilik gashtini surayotgan pir-u badavlatlarni yo’qlash uchun to’planishadi. ,,Qush uyasida ko’rganini qiladi”,---- deydi dono xalqimiz. Bu odat bizga ham bor. Har yili biz keksalar holidan xabar olib, ularni yo’qlab, bayramlari bilan tabriklash uchun parisi bor xonadonlarga kirib chiqamiz.Aytadilarki ,,Qarini siyla, o’zing ham qartayasan”.
Mamlakatimiz dur-u gavhari bo’gan buvim va barcha keksalarni asraylik, ularning duolarini olaylik,farzandlik burchini oqlaylik.
Nuroniylarimiz el ardog’ida. Bu yurtimizning ,yurboshimizning oqilona siyosati, g’amxo’rlik va e’tiborining yorqin namunasi!..
Yursangizda, qariyalar
Hassalarga suyanib.
Hayot yashnar tajriba-yu
Aqlingizga tayanib
Qashqadaryo viloyati
Qarshi tumani Xalq ta’limi muassasalari faoliyatini metodik ta’minlash va
tashkil etish bo’limiga qarashli 20-umumiy o’rta ta’lim maktabi
9-”A” sinf o’quvchisi Shavkatova Nilufarning
”Mening bobom,buvim---mahallamiz faxri”mavzusida yozgan inshosi
Telefon raqamim: +99890-722-12-37